Netbanking kya hai,online banking hindi me

Netbanking kya hai?Aaj bhi bahut se logo ko netbanking ki jaankari nahi hai unke liye ye  post khas hai.Aaj yaha hum netbanking ki puri jaankari denege jiske maadhyam se asani se netbanking upyog kar paayenge or samjh paayenge ki yeh kaise kaam karta hai.

Netbanking kya hai?

Online banking ko hi netbanking kahte hai,online banking me hum koi bhi financially or non financially transaction  electronically medium se kar sakte hai. Isme  bank ke website ya application ka upyog kiya jaata hai.

Netbanking kya hai,online banking hindi me

Netbanking ki madad se  sidhe aap apne account se jud jaate hai or kisi bhi vyakti ke shayata ke bina  aap vitiya lene den kar paane me saksham hote hai hai.

Online banking me bank ke dwara user(account holder) ko user name or password diya jaata hai jo 100% safe or secure hota hai jiska upyog kar asani se netbanking ka upyog kar sakte hai.

Online banking(netbanking) ki non-transactional suvidha 

  • Bank account statement dekhne me.
  • Tatkalik transaction dekhne ke liye.
  • Bank statement dekhne or download karne me.
  • Cheque book order karne me.
  • Paid check ka status dekhne me.
  • Periodic account statement dekhne me.

Online banking(netbanking) ki transactional suvidha

  • Fund transfer me matlab ki aap netbanking ki madad se aap kisi dusare ke account me paise bhej sakte hai or paise le bhi bhi sakte hai.
  • Investment karne me jaise share equity or commodity ya mutual find me.
  • Loan application submit karne me or loan installment payment karne me.
  • Credit card application submit karne me.
  • Utility bill jaise electricity bill,dth recharge,mobile recharge me.
  • Exam or competitive exam fees payment me.
  • Premium installment bharne me.

Kaha se prapt kare netbanking ki suvidha

1.Jab bhi hum kisi bhi bank jaise hdfc bank,axis bank,state bank of india,punjab national bank or bhi kai bank hai jisme naya account khulwaate samay hume form me option diya jaata hai ki netbanking ki suvidha chahiye ya nahi,is option ko select kar suvidha le sakte hai

2.Yadi purane account me hi online banking chahiye to branch bank me ek application dena padta hai jisse netbanking ka suvidha milna shuru ho jaata hai.

3.Form ya application submit karne ke baad bank ke dwara aapko user id or password diya jaata hai jiska upyog kar asani se online banking upyog kar sakte hai.

4.User id or password milne ke baad aap bank ke neeche diye gaye link me jaakr user id password ka upyog kar login kar sakte hai kuch bank ke online link yaha diya gaya hai,jis bank ka link yaha na mile use aap google se search kar sakte hai.

Netbanking upyog karte samay saavdhani

Online banking upyog karna bahut asan hai par saavdhani rakhna bhi utna hi jaruri hai jisme neeche diye gaye baato ka vishes dhyan rakhe.

Password sambandhit saavdhani

1.Password unique banaye ise apne name,date of birth,birth place,sirname,country ye sab na rakhe,special character  jarur upyog kare.

2.Password ho sake to har mahine change kare.

3.User id or password kisi ajanabi ko na bataye ho sake to kisi or ko upyog na karne de.

4.Online transaction karte samay registered mobile me otp(one time password) aata hai jisko kisi ke saath share na kare.

Any saavdhani

1.Kisi bhi tarah ka mobile par call aane par apna otp na bataaye ye otp sirf aapke upyog ke liye hota hai.

2.Apne khud ke android mobile ya computer me hi net banking ka upyog kare.

3.Cyber cafe me kabhi bhi online banking ka upyog na kare kyoki waha virus attack ka khatra rehta hai.

4.Android mobile me bhi virus cleaning ka option hota hai jiska upyog avshy kare, transaction karte samay.

5.Desktop use karte hai to antivirus ka upyog kare.

6.Online transaction karte samay browser history delete kar de.

Conclusion

Netbanking kya hai or kaise kaam karta hai aap samjh or sikh gaye honge iske saath-saath aapko Sbi bank atm card pin password generation kaise kare. ye post bhi jarur padhna chahiye taaki aap asani se pin generate karna sikh jaayenge.

Apne atm card ka miss use hone se  bachane ke liye Atm fraud se kaise bache post jarur padhe ,jisse aap asani se apna atm or credit card bina kisi dar ke  upyog kar sakte hai.

Ummid hai ki netbanking kya hai,online banking hindi me post pasand aaya hoga,ye jaankari or bhi logo tak pahuche uske liye social media par share karna na bhule. Or yadi netbanking (online banking) ke sambandh me kisi bhi tarah ka sawal ho to comment kar jarur puche.

***Thanks for reading***
Shashank Kuldeep Dwivedi

 

LEAVE A REPLY

Please enter your comment!
Please enter your name here